Psa 122 | DED | STEP | Hombannu kekenggac yegec. Dawidingo yegec yofi heiec. “Nenang KEBUAC amau enni.” Yeneng ifi edenugec ubangerec negenai.

Psalms 122

Ge ruaegoc kecbesena

Hombannu kekenggac yegec. Dawidingo yegec yofi heiec.

1 “NenangKEBUAC amau enni.” Yeneng ifi edenugec ubangerec negenai.

2 O Yerusareng, neni hanininango geac naguusing ekemma odaga manau tinandimbe. 3 Yerusareng imoc taongtoa isoc megec nande. Imoc meserima mocgutoa megec ama nga ama wegenacfu ifi tackendae. 4 Nga ngicngac neni arenninasoc modacma imohai engandimbe. Imoc Israe areng neneac dema yoac deserigec fede.KEBUAC ngicngac areng neneng ihai emmaKEBUAC kpac kuneng heiwayong meminide.

5 Ihainoc fora dedeac ngictau tatac faigec homac tacdae, imoc Dawidiac esangabo yeneac ngictau tatac sasawa.

6 Ngeni ruae Yerusarennu feudeac numubisia. “Geac songo negengandae, yeni naric kecma wiac monggac mi obohobisia. 7 Geac odaga manau ruae febeso. Nga amaherec amaga onggonggekecdae, imocac manau mangang kpangang mong mi febeso.”

8 Sactosofocna nga ogofocna yeneng naric kecgecdeac amma yofi debade, “Geac ama manau ruaengo kecbeso.”

9 KEBU Anutuninaac ama, imocac gombunggac amma ngeneng naric kecgecdeac nunumu uatoa mekecbade.